關於部落格
I am who I am
  • 5559

    累積人氣

  • 0

    今日人氣

    15

    追蹤人氣

配音ii

今次我已經搭MTR架啦……可是還是遲了……失敗…… 課堂開始後,盧SIR先點名,然後叫我地寫低個聯絡電話,方便日後有JOB要 試音時聯絡我地。 根據盧SIR講,「要咩聲」完全是客戶的選擇,只要有JOB,他都會叫他的學生 去試音,試完比個客聽左把聲,佢覺得你把聲岩,就會點名用你,至於你的配音 技巧如何,客戶在挑選時根本就不知道,也不會理會,他只是純粹中意你把聲! 而且一套電視或是電視,很少會得一把聲(即是唔會只選一個人),加上客戶既然 已經聯絡左公司(即盧生=配音領班),就表示佢選擇用盧生旗下的人,因此可以 配音接JOB的機會其實很多的! 當客戶選中你把聲之後,因為我們還是學生,配音技巧可能不純熟,這時你所屬 的領班(盧生)為左達到客戶的要求,就會不斷的催谷同比訓練你,還會在配音室 同你展開「大搏鬥」,就是你每句NG上100次佢都會令你及格交貨,因此不用 擔心,且新人有錯是正常的事,只要不是犯上大錯,為大家帶來很大的麻煩, 原則上其他前輩同事都會諒解的…… 簡單地複習過後,今堂我地開始輪流試配~~ 盧生預先剪左一條片,是鍾震濤(阿B)同金燕玲的「滿漢全席」的其中一節。 當中有名B同金燕玲在飯桌間的幾句對話。 好少,男女主角夾埋其實得6句對白…… 盧生首先派比我地一人一張對白稿,然後佢重覆播條片3~4次,比我地數嘴同 留意人物幾時開聲(周圍會有一D動靜),之後教我地點樣在稿上MARK記號: 數嘴:人物嘴巴開合的次數,由1~10 OS/(對白):角色在鏡頭外,即睇唔到嘴,可是有對白! VO:VOICE OVER(旁白) /:停頓=對白的分隔 ///:停了很久才繼續說下一句 我第一個就比人點名,由我配金燕玲! 因為是第一個,又是第一次,好緊張呀!第一句講左一半就唔記得對白! 雖然盧生話,我地是「睇嘴配」,不是「配音卡啦OK」,最重要是記重點! 對白稿本身只是參考,只要意思岩,又可以在人物開口時講哂D野,基本上你要 點講都得,唔一定要跟足演員…… 不過我明顯是「甩左嘴」…… 還有就是有一處被演員的動作誤導左,佢未出聲就講左野=.= 盧生聽完後叫我回家後睇多D戲,數嘴多了,就會有進步~ 上堂盧生教我地數嘴時,是叫我地熄哂部TV D聲,之後由1數到10,可是今堂 盧生說還有一個方法,就是學佢咁錄條片,之後抄低角色D對白,然後熄左個 電視D聲去配,咁做雖然比較麻煩,不過我個人覺得比較有真實感XDD 落堂去左時代廣場對面的M記同朋友聚舊,傾到成12點……之後佢又哄我止佢 公司,想我同佢一齊做「傳銷」…… 雖然我不是說他欺騙我,可是我真的沒這麼多錢去做生意投資…… 6萬呀!是!很多證據去證明你不會「吞」左我D錢,可是我上次也說過,不論是 我還是我的家人、朋友,佢地都冇可能一時之間拿6萬元出來幹你地口中的投資! 我只是聽你說很久不見才打算大家約出來吃個飯、聚一下舊,我沒想過你會「舊 話重提」LOR…… 說真一句,如果我而家有6萬,我就可以即刻買好多野同做好多COS衫啦!也暫時 不用為錢煩惱=.= 仲好意思叫我問我媽,叫我同佢講是為左我將來著想…… 死得啦!我同得我媽講,我媽一係斬死我,一係就趕我出街! 我幾想同佢地講:「不如你借比我丫,反正你都話好快賺番回本,咁不如你而家借 比我先啦!」 佢又問我可唔可以問FD借……我心想:「你咪係我個FD LOR……」(死) 佢竟然仲叫我明天再上公司,話就是冇錢都可以學下野先架,又話同我諗計籌錢, 我理佢至傻!如果我寫小說出左10本,沒錯!是10本,有10萬我可能會考慮下既 =W= 說到這裡,其實我覺得我已經是很「好人」的了,因為我地本身是舊同學,根據 我的印象「她」在班上一向是個乖乖女,好學生,且是一個很虔誠的基督徒,也 因此我才相信她不會因為如警X般因為公司的「微薄利益」而欺騙我(雖然他的行 為中左九成),比著第二個,我想一早反左面啦,得我咁白痴仲信你是朋友…… 我真的覺得自己好傻=.=
相簿設定
標籤設定
相簿狀態