關於部落格
I am who I am
  • 5580

    累積人氣

  • 0

    今日人氣

    15

    追蹤人氣

火大!

好久沒接06通告,呢排多是夜晚通告,很久沒這麼早起搭小巴出旺角。 今天是阿貞帶隊,好像說本來是阿成帶,可是最後期待還是落空了…… 我和阿貞之間的代溝,雖沒明說,可是是愈來愈大,也愈來愈明顯,她是沒跟我說甚麼,可是我還是知道她不喜歡我的。 沒關係!反正我也不喜歡她…… 說真的,有時候我真不明白阿怛他們如此愛黏著阿貞?真要我選,我一定會選阿成帶隊!既可以出糧,人也比較好相處…… 說回今天,我們先在mk搭628入廠,「被逼」換上一件超大又厚的套裙後,足在休息室hea了兩小時!! 頭場在新聞部的大堂拍,根本用不到人!我們站在新聞部門外又累又熱,我幾乎以為自己會中暑! 約一個小時,完全沒埋位便叫我們上車出外景…… 坐車到了中環的一間樓上cafe,例牌的(?)由我換上侍應服,這件比之前那件套裝好太多了!而且聽說完了這場可換回兒己的衣服>口< 阿貞和平日一樣,一埋位就好似更年期吃了火藥,而且更非常懂得運用工作上的特權推卸責任! 怎麼說呢?話說她叫我扮侍應在角落抹桌子,她說,我就照辦,怎知影左一個shot,導演喊cut,重來,她突然就走到我面前,用著超不好的口氣問我為何站在角落,說在那位置根本看不到我!我當堂o咀……呢個位明明係佢叫我企既,分明就係佢睇完個shot先知原來自己擺錯位!又唔肯認衰,於是就借d易來怪我! 然後佢叫我企另一個位,一樣係抹桌子。我照做。這次是gd take,可是她一樣有野講,完左佢又走過來,用一聽就知是怪責的口吻質問我: 「做咩呀?張台好污糟咩?洗唔洗抹咁耐ar?走動下,抹下其他個兩張嘛!」 我頂! 你唔講我點知?!你叫抹台,好自然當然是抹一張架啦!而且我shot咁短,你又唔係得我一個人行,洗唔洗搞咁多花神?! 再講,如果你是一早要我連抹幾張台,你自已不會示範一次給我看啊?!我好蠢架!你唔講,我鬼知你想點?! 拍完第二場,在中環放飯,就腳又貪平,我地就聽阿貞講(根本唔可能有異議)去kfc,冇咩胃口,不過唔食又怕餓,最後花了30蚊買飯餐…… 因為阿貞叫先換衫再食飯,我就聽佢講,換左再食。 食得七七八八,隔離台「八兩金」先去toilet換衫,是人也看出阿貞對他早有怨言,點知佢連我個啖都燒埋…… 「叫左佢換完衫先食飯!阿瑩……」看看我,沉默。 八兩金換好衫出來,可是卻沒衣架,周圍搵…… 「講左自己keep番好自己個衣架!阿瑩!你個衣架呢?」 我心諗……關我咩事…… 「掛好衫啦!我有keep住個衣架……」 同台的阿英和阿閒:「係ar!佢個衣架一直keep係我地度~」 被怒啤……(死) 接下來一整個下午,在32度的高溫下,我地一直被阿貞「更年期」火爆脾氣下被炮轟、摧殘,無一幸免…… 中途有兩次,差d比人點名換衫,可是都僥倖逃了過去,阿英就冇咁好彩,臨尾都要被人逼換套裙,這麼熱的天氣,還真是辛苦她了…… 阿貞仲有一樣野是我看不順眼的,就是她「見上就拜」! 拜都唔緊要,佢唔好「見下就踏」!踏完又唔認,當冇件事!正一小人!偽君子!雙面人! 平日又扮到自己幾清高,幾大公無私!我話最自私個個就係佢! 連阿英佢地都話:「佢同班男仔平時扮到幾fd幾fd,對我地就愛理不理……」 我:「唔係,你生得好樣d,佢咪對你好d lor~~」 英:「係ar~~好似思齊咁佢咪中意lor~~」 以貌取人的三八!哼! 今日最後一站在數碼港,想到19號就要來這兒私影,心情有一點點興奮XD 我是第一次來數碼港,之前都唔知佢係邊,只是覺得佢「與世隔絕」XDD 感覺……數碼港果然沒改錯名,CYBER PORT果然夠CYBERXDDD 本來以為拍埋呢場會直接在數碼港散,到時真係唔知點算,好彩最後都爭取到搭廠車出市區,全體在藍田MTR前解散~~ 本以為一定要搭MTR回黃大仙再轉小巴回家,點知一下車發現有15A回慈雲山!最後當然是選搭巴士XD 阿怛同我一樣都是等巴士,他要搭772X回粉嶺。 在巴士站,我地一句野都冇講……(本來就唔熟……) 後來佢先有車,上車前佢竟然同我BYE,咁都未夠意外,最意外是佢上左車,咁佢坐下層,坐低左又同我拜多次!……當然我都有BYE番佢XD 等左成半粒中先有車!雖然如此,我都寧願等巴士XD 我好少坐呢架車,發現這架車的真會繞路,搭極都唔到……(死) 回家成個人散哂…… 聽日仲要去排舞…… 跟住兩日又冇通告……(死)
相簿設定
標籤設定
相簿狀態